بە ڕاپۆرتی ئاژانسی هەواڵی مێهر، ناسر غنام فەرماندی ئۆپراسیۆنی ئەنبار لە ئەو بارەوە ڕایگەیاند: زیاتر لە سێ هەزار ناوی ساختە لە نێو دۆسیەکانی بنیاتی شەهیدی پارێزگای ئەنبار هەیە و بە پێی یاسا شوێنگیری دەکرێن.
ئەلغنام زیادی کرد: فەرماندەیی ئۆپراسیۆنی ئەنبار سەبارەت بە سکاڵای هەندێک لە هاووڵاتیانی پارێزگای ئەنبار سەبارەت بە بوونی دۆسیەی ساختە لە بنایەتی شەهید نامەی بۆ نووسینگەی سەرۆک وەزیران نووسیوە و دوای ئەوە کومیتەیەک پێک هات و دەرکەوت کە نزیک بە 3600 ناوی ساختە لە نێو دۆسیەکانی بنیاتی شەهیدی پارێزگای ئەنبار هەیە.
فەرماندەی ئۆپراسیۆنی ئەنبار جەختی کرد: نزیک بە 700 بۆ 800 تیرۆریست لەوانە تیرۆریستە خۆکوژەکان کە لە دژی هێزە سەربازی و ئەمنییەکانی عێراق شەڕیان کردووە لە بودجەی تەرخان کراو لەلایەن دەوڵەتەوە بۆ گیان فیدایان کەڵکیان وەرگرتووە.
Your Comment